Францішак заклікаў аргентынцаў да салідарнасці з самымі беднымі
Папа Францішак прывітаў
аргентынскіх католікаў, якія прымуць удзел у зборы ахвяраванняў на патрэбы бедных,
што пройдзе 8 верасня. Арганізатарам ініцыятывы з’яўляецца мясцовы епіскапат, а яе
сёлетнім дэвізам словы “Давяраем Тваёй дапамозе”. Збор сродкаў пройдзе на нацыянальным
узроўні. У пасланні скіраваным ад імя кардынала Дзяржсакратара Тарчызіо Бэртонэ, Папа
падтрымаў усіх, хто хоча ўключыцца ў гэту інціыятыву хрысціянскай салідарнасці, “натхнянай
вераў ў Бога, які сам падарыў нам усё”. З нагоды нацыянальнага збору ахвяраванняў,
Францішак заклікаў аргентынцаў “усё больш станавіцца падобнымі да Хрыста, умацоўваючы
сяброўства з Ім праз малітву і ўдзел у сакрамэнтах”. Гэта, на думку Святога Айца,
дапаможа знайсці сілы, каб “бесперапынна аказваць каштоўнае служэнне і падтрымліваць
найбольш патрабуючых, асабліва самых бедных”.
Падчас нацыянальнага збору ахвяраванняў
у мінулым годзе, аргентынскія католікі сабралі каля 3 млн. долараў. Дзякуючы гэтым
грошам былі рэалізаваны шматлікія праекты на карысць насельніцтва самых бедных рэгіёнаў
краіны.