2013-ի Միսիոնարական Համաշխարհային Օրը կը նշուի յառաջիկայ 20 հոկտեմբերին։ Այս օրուան
նշումը ծագում առած է Պիոս ԺԱ քահանայապետի օրով երբ 1926-ին Սասսարիի նորընծայարաններու
առաջարկով ''Հաւատոյ Տարածման'' ժողովը Քահանայապետին առաջարկեց ''միսիոնարական համաշխարհային
օր մը հաստատել'' տիեզերական եկեղեցւոյ առաքելութեան ի նպաստ։
Եւ Սրբազան Քահանայապետի
հաւանուոդիւնը ստանալէ ետք, 1927-ին կայացաւ ''Միսիոնարական Համաշխարհային Օր Հաւատքի
տարածման ի սպաս'' վերատառութեամբ Միսիոնարական համաշխարհային առաջին օրը որ ամէն տարի
կը նշուի Հոկտեմբերի վերջընդեր Կիրակին, տրուած ըլլալով որ հոկտեմբեր ամիսը աւանդութեան
համաձայն նկատուած է ''Միսիոնարական ամիս''։ Այդ օրը աշխարհի բոլոր հաւատացեալները
հրաւիրուած են իրենց սրտերը բանալու եւ իրենց սատարը տալու Եկեղեցւոյ միսիոնարական առաքելութեան
նա մանաւանդ նորակառոյց Եկեղեցիներուն եւ հասարակութիւններուն ի նպաստ։ Այս օրուան
առթիւ կը հրատարակուի նաեւ Սրբազան Քահանայապետի մէկ պատգամը։