I prishen planet terrorizmit në jug të Jemenit. Për Obamën, kërcënimi është “serioz
dhe real”
Presidenti amerikan Barak Obama justifikoi dje në televizion mbylljen e rreth 28 selive
diplomatike, nga frika e ndonjë sulmi të Al Kaedës. Ndërkaq, qeveria e Jemenit, vendit
kryesor nga u nisën këto kërcënime, bën të ditur se ka zbuluar një plan për të hedhur
në erë naftësjellësit e Shebuas dhe të Belhafit. Pastaj, terroristët kishin ndërmend
të merrnin në dorë portet e Mukalasë dhe të Bauzirit, përmes të cilëve realizohet
eksportimi i naftës nga Jemeni. Ekzekutivi i Sana’asë ka marrë masa të jashtëzakonshme,
duke blinduar kryeqytetin e duke autorizuar avionët pa pilot të SHBA-ve të kryejnë
aksione brenda territorit për të zhdukur qendrat e milicëve të Al Kaedës, e cila ka
dhënë urdhër të goditen objektiva perëndimore.