Cikël reflektimesh kushtuar Katekizmit të Kishës Katolike: Zbulesa e zbulesat vetjake
Zbulesa e zbulesat vetjake është tema e reflektimit të 6-të të jezuitit atë Dariush
Kovalçik, kushtuar Katekizmit të ri të Kishës Katolike.
Zbulesa e Hyjit u përmbush
në Jezu Krishtin. Besa e Re, e lidhur në Jezusin, është përfundimtare e nuk duhet
pritur asnjë Zbulesë publike, para dukjes së lumnueshme të Zotit (KKK, 66)
– thotë Katekizmi, duke cituar fjalët e Shën Gjonit të Kryqit: “Kush do të dëshironte
akoma ta pyeste Zotin e të kërkonte vegime a zbulesa prej Tij, do ta fyente Hyjin”. Kisha
na thotë se Zbulesa përfundoi me vdekjen e apostullit të fundit. Nga ana tjetër shikojmë
se ka dogma feje (për shembull dogma e Të Ngjiturit të Zojës në Qiell), të cilat në
fillim të predikimit të Ungjillit, nuk ishin si na paraqiten sot. Katekizmi shpjegon:
“Ndonëse Zbulesa u krye, nuk sqarohet plotësisht (n.66). Në Vetjen e në historinë
e Jezusit na është zbuluar gjithçka, por i takon Kishës, prirë nga Shpirti Shenjt,
e vërteta në tërësi (cfr. G 16,13); i takon, pra, ta kuptojë gradualisht gjithë
pasurinë e saj në rrjedhë shekujsh (KKK, 66).
Në një perspektivë të
tillë mund t’i kuptojmë edhe të ashtuquajturat zbulesa vetjake a private, disa nga
të cilat, të njohura edhe nga Kisha, si ato të Lurdës e të Fatimës. Roli i tyre, siç
lexojmë në Katekizëm – nuk është të ‘përmirësojë’ ose të ‘përplotësojë’ zbulesën përfundimtare
të Krishtit, por të ndihmojë për ta jetuar më plotësisht në një epokë të caktuar historike”(n.
67). Prej këndej mund të themi se zbulesa vetjake nuk është e detyrueshme për
fenë e besimtarëve.
Ndodh që besimtarët, duke ndjekur zbulesa të ndryshme vetjake,
bëhen tepër entuziastë. Duhet kujtuar se këto zbulesa mund të ndihmojnë, por duke
pasur mirë parasysh se Zotin e njohim kryesisht përmes Biblës, Traditës, Mësimeve
të Kishës. Në Vitin e Fesë jemi të thirrur, prandaj, ta lexojmë Katekizmin e të mos
rrimë duke pritur zbulesa të reja. Ta shfletojmë, pra...