Papa Françesku: kujton festën e Zojës Bekuar ‘Salus populli romani’ e Palin VI
Pas lutjes së Engjëllit të Tënzot, Papa Françesku kujtoi sot Papën Palin VI “me një
mirënjohjeje të thellë”. Kujtojmë se përvjetori i vdekjes së Papës Montinit bie pasnesër,
kur bie festa liturgjike e Shndërrimit të Zotit tonë Jezu Krisht. Pali VI, kujtoi
akoma Ati i Shenjtë Bergoglio, “’u nis’ nga kjo botë mbrëmjen e 6 gushtit para 35
vjetësh”. Pas lutjes mariane, Papa Françesku iu drejtuar edhe besimtarëve “romakë”
të pranishëm në Shesh të Vatikanit: “Nesër – tha Ati i Shenjtë – përkujtojmë Nënën
tonë, Salus populli romani” – Zojën e Bekuar, Shpëtimin e popullit romak”. E këtu,
Papa, thellësisht i devotshëm ndaj Zojës së Bekuar, i ftoi të gjithë besimtarët të
lusin bashkë me të një të ‘Falem Mari’. Ikona e Zojës së Bekuar ‘Salus populli romani’,
që nderohet si mbrojtëse e pajtore qiellore e qytetit, gjendet në bazilikën e Shën
Marisë së Madhe në Romë, ku Papa Françesku ka shtegtuar disa herë në lutje.