Յուլիսին Հայաստանի Մէջ Վերապատրաստուած Են Սփիւռքահայ 26 Ուսուցիչներ
ԵՐԵՒԱՆ,Երեւանի թիւ 2 տարածաշրջանային պետական քոլեճին մէջ տեղի ունեցած է Հայաստանի
մէջ սփիւռքահայ ուսուցիչներու մէկամսեայ վերապատրաստման 2013ի ծրագիրի փակման եւ վկայականներու
յանձնման հանդիսաւոր արարողութիւնը: Հայաստանի կրթութեան եւ գիտութեան նախարարութենէն
փոխանցած են, որ մասնակիցները ողջունած է կրթութեան եւ գիտութեան նախարարի տեղակալ Մանուկ
Մկրտչեանը, որ՝ շնորհակալութիւն յայտնելով ուսուցիչներուն, նշած է, թէ գովելի պիտի ըլլայ,
եթէ վերջիններս իրենց մասնագիտական եւ մանկավարժական փորձառութիւնը փոխանցեն Հայաստանի
իրենց գործընկերներուն: «Ոչ միայն դուք, այլ նաեւ մենք ձեզանից սովորելու շատ բան ունենք»,
հաստատած է նախարարի տեղակալը՝ կոչ ուղղելով տարբեր համայնքներու ներկայացուցիչներուն
աւելի աշխոյժ մասնակցութիւն բերելու վերապատրաստման դասընթացներուն: Այս տարի Հայաստանի
մէջ վերապատրաստուած են 26 ուսուցիչներ աշխարհի 13 երկիրներէ՝ Ռուսիայէն, Իրանէն, Միացեալ
Նահանգներէն, Սուրիայէն, Վրաստանէն, Ուքրանիայէն, Ֆրանսայէն, Յունաստանէն, Գերմանիայէն,
Լաթվիայէն, Պուլկարիայէն, Ուրուկուէյէն, Քանատայէն։ Ռուսիայէն մասնակցած են 6 տարբեր
կրթօճախներու ներկայացուցիչներ: Ուսուցիչները վերապատրաստուած են հինգ ուսումնական խումբերու
բաժնուելով՝ մանկապարտէզի, միօրեայ դպրոցներու, դպրոցներու կառավարման, լրացուցիչ կրթութեան
կազմակերպման, լրացուցիչ կրթութեան կազմակերպման վերապատրաստողներու: