Нягледзячы на тое,
што да Сусветных дзён моладзі ў польскім Кракаве застаецца яшчэ тры гады, падрыхтоўка
да форума ўжо пачалася. Адным з першых крокаў стала стварэнне адпаведнай інтэрнэт-старонкі,
на якой любы жадаючы можа атрымаць неабходную інфармацыю пра будучае мерапрыемства.
1 жніўня быў адкрыты сайт www.krakow2016.com. Ён дзейнічае на шасці мовах – польскай,
італьянскай, англійскай, французскай, нямецкай і іспанскай. Інтэрнэт-старонка падзелена
на шэраг карысных раздзелаў прысвечаных гісторыі Сусветных дзён моладзі і благаслаўлёнаму
папе Яну Паўлу ІІ – заснавальніку мерапрыемства, які менавіта ў Кракаве правёў свае
маладыя гады. Сайт дае магчымасць пазнаёміцца з інфармацыяй аб Кракаўскай архідыяцэзіяй
і самім горадзе – яго культуры і рэлігійных традыцыях. Спецыяльна для гэта былі зроблены
адпаведныя відэа-ролікі. У адным з іх, кракаўскія юнакі і дзяўчаты дзеляцца сваімі
сведчаннямі і запрашаюць моладзь з усяго свету прыняць удзел у форуме.
Між
іншым на старонке размешчаны відэа-зварот арцыбіскупа Кракаўскага кардынала Станіслава
Дзівіша. У ім іерарх адзначае, што “Кракаў і Польшча радуюцца, таму што зноў стануць
горадам і краінай моладзі”. Кардынал Дзівіш выказаў падзяку Святому Айцу за рашэнне
правесці наступны форум менавіта тут і нагадаў, пра асобу бл. Яна Паўла ІІ з удзячнасцю
“за яго любоў да моладзі і ўсё тое, што ён нам пакінуў – вялікую спадчыну якой жывём
сёння”. Пурпурат пажадаў, каб яна “працягвала натхняць моладзь, і не толькі, на ўзорнае
жыццё, блізкае з Хрыстом і Паннай Марыяй”. “Кракаў адкрываецца! Дарагая моладзь, мы
прымем вас з сардэчнасцю і годнасцю і молімся, каб вы прынеслі на нашу Радзіму энтузіазм
і надзею на будучыню, таму што маем патрэбу ў вашай маральнай падтрымцы”, - закончыў
пасланне кардынал Дзівіш.
Папа Францішак абвясціў, што наступныя Сусветныя
дні моладзі пройдуць у Кракаве ў 2016 г. на заканчэнне моладзевага форума ў Рыа-дэ-Жанейра
28 ліпеня. Мерапрыемства адбудзецца ў Польшчы ўжо ў другі раз. У 1991 г. яго прымала
польскае Чэнстахова.