Дакладная статыстыка Сусветных дзён моладзі: 3,7 млн. на заключнай св. Імшы
1 жніўня былі абнародаваны
канчатковыя статыстычныя дадзеныя з Сусветных дзён моладзі ў Рыа-дэ-Жанейра, якія
праходзілі з 23 па 28 ліпеня. У першы дзень форуму ў яго мерапрыемствах прамалі ўдзел
600 тыс. чалавек, а ў апошні ўжо 3,7 млн. Удзельнікі прыбылі са 175 краін, самая вялікая
колькасць, з Бразіліі, Аргентыны, Злучаных Штатаў, Чылі, Італіі, Венесуэлы, Францыі,
Парагваю, Перу і Мексікі. 55% ад колькасці зарэгістраваных на Сусветных днях былі
жанчыны. 60% удзельнікаў былі ва ўзросце ад 19 да 34 гадоў. Каля 800 творцаў у розных
галінах прынялі ўдзел у цэнтральных падзеях форуму. У яго арганізацыі дапамагалі 60
тыс. валанцёраў. Было акрэдытавана 6,5 тыс. журналістаў з 57 краін. Катэхезы вяліся
на 25 мовах па ўсім Рыа-дэ-Жанейра. 100 канфесіяналаў было размешчана парку “Боа-Віста”
26 ліпеня. На заключнай Эўхарыстыі св. Камунію прынялі 800 тыс. асоб. Для ўдзелу ў
форуме былі зарэгістраваны 644 іерархі, сярод якіх 28 кардыналаў, 7814 святароў і
632 дыяканы.
Міністэрства турызму Бразіліі паведаміла, што сусветны форум меў
значны эканамічны эфект для краіны: пілігрымы патрацілі 1,8 млрд. бразільскіх рэалаў
(600 млн. еўра). Гарадскія ўлады паведамілі, што на працягу Сусветных дзён моладзі
было сабрана 345 тон арганічных адходаў і 45 тон другаснай сыравіны, што менш за 10%
ад сабранага ў Рыа-дэ-Жанейра ў сёлетнюю навагоднюю ноч.