Qendra e Kongreseve “Rio Centro”

E pagëzuar si “Ciudade da Fe” (Qyteti i Fesë) gjatë DBR-së, është ndërtesë moderne, që lind në një sipërfaqe prej 600 mijë kilometrash katrore, ku përfshihen një Pavion Qendror, një Auditorium, tre Salla për Ekspozita, një liqen artificial, restorante të ndryshme, një parking për mëse 6 mijë makina dhe një heliport. Konsiderohet si një nga qendrat më të mëdha ndërkombëtare për konferenca. Falë vendit ku ndodhet dhe falë pajisjeve që zotëron, në “Rio Centro” janë zhvilluar punimet e Konferencës II të OKB-së për Ambientin e Zhvillimin, nga 3 deri më 14 qershor 1992. Njihet si “Samiti i Rios”, në të cilin morën pjesë mëse 100 krerë shtetesh. Papa Gjon Pali II është takuar aty me ipeshkvijtë dhe delegatët e Kongresit Teologjik Baritor mbi familjen, gjatë udhëtimit të tij apostolik në Brazil me rastin e Takimit Botëror të Familjeve, në vitin 1997.