Të rinjtë shqiptarë në DBR-së në Rio rrëfejnë entuziazmin e tyre. Katekizmi nga 24
deri më 26 korrik
Në mesin e një turme të jashtëzakonshme të rinisë botërore në Rio de Zhanjero janë
edhe 12 të rinj shqiptarë, që përfaqësojnë Kishën e Kombin shqiptar në këtë ngjarje
të jashtëzakonshme botërore, përreth Papës Françeskut. 12 të rinjtë shqiptarë, në
Brazil për DBR-së, përfaqësojnë traditën e lashtë e të pasur kishtare e kombëtare
të shqiptarëve. Gjatë tri ditëve të ardhshme, pra nga 24 deri më 26 korrik, rreth
250 ipeshkvij, ardhur nga pesë kontinente, do të mbajnë katekizmin për të rinjtë e
DBR-së, çdo paradite. Tri, temat: “Etja për shpresën, etje për Zotin”, të mërkurën,
pra nesër; “Të jesh dishepull i Krishtit”, të enjten; dhe “Qofshi misionarë, shkoni”,
katekizmi i ditës së premte, 26 korrik. Ky katekizëm do të mbahet në mëse 300 vende
në Rio-de-Zhanejro, por edhe në rrethinat e qytetit e në favelas, ku jetojnë më të
varfrit. Shumica e takimeve, rreth 133, do të mbahen në gjuhën portugeze, 50 të tjera
në spanjisht, 25 në anglisht, 15 në italisht e në frëngjisht, 8 në gjermanisht e 5
në polonisht, por edhe në arabisht, kroatisht, sllovenisht, greqisht, danisht, çekisht
e rusisht. 12 shqiptarët, që marrin pjesë në Ditën Botërore të Rinisë e në
takimin e madh me Papën Françesku, do të bashkohen me grupin e gjuhës italiane.
Le t’i dëgjojmë ç’thanë nga aeroporti, në mikrofonin e kryeredaktorit tonë, don David
Gjugja...