Zonja Dilma Vana Rousseff Linhares, është e 36-ta Presidente e Republikës së Brazilit.
E lindur në vitin 1947, në Belo Horizonte, është bijë e një emigranti bullgar dhe
e një mësueseje. Pas studimeve të ekonomisë në Universitetin Federal të Minas Gerais,
nisi veprimtarinë politike, duke marrë pjesë në luftën e armatosur kundër diktaturës
ushtarake (1964-1985). U arrestua e kaloi tri vjet në burg (1970-1972) në São Paulo.
Si doli nga burgu, dha ndihmesë për themelimin e Partisë Demokratike Trabalhiste.
E emëruar nga presidenti Lula ministre e Minierave, Energjisë dhe Komunikimit (2003),
arriti t’ia ndryshojë faqen sektorit energjitik, duke propozuar programin “dritë
për të gjithë” e duke u dhënë dritë 11 milionë nënshtetasve, pa dritë elektrike. Ministre
e Brendshme më 2005, u zgjodh, më pas, Presidente e Republikës. Është a para grua,
që i prin Brazilit, që nga janari 2011, me mandat 4 vjeçar. Ka një vajzë, Paulën e
një nip, Gabrielin.