Shtypi i sotëm italian e botëror është përplot me tituj, që ndjekin Papën, shtegtar
në Brazil.Gazeta “Corriere della Sera” e nis shkrimin kushtuar Françeskut me
titullin kuptimplotë “I pari papë me ‘bagazh në dorë” (fq 1-3). E konsideron
shkëputje nga tradita, gazeta italiane, këtë të re të Papës, që ngjit shkallët e avionit,
duke mbajtur në dorë valixhen me kartat e veta, me dokumentet e punës, nga e cila
nuk ndahet kurrë. E pastaj nënvizon se do të lëvizë për gjashtë ditë pa mbrojtjen
e qelqeve të blinduara, sepse dëshiron të jetë më pranë njerëzve, amerikano-latinëve.
Në avion u drejtohet gazetarëve, duke u kërkuar ndihmë, për të mirën e shoqërisë,
sepse kriza botërore nuk bën asgjë të mirë. Përkundrazi, krijon një brezni të papunësh.
“Papa
në mes të trafikut të Rios, e të luanëve”, e titullon shkrimin kushtuar shtegtimit
të Papës në Brazil, gazeta italiane “La Repubblica”. (fq 4-5) Në avion Papa
bën shaka me gazetarët: “Jam këtu në mes të luanëve – u thotë - e u kujton se nuk
e ka zakon të japë intervista, nuk mundet, për të është tejet e lodhshme”. “Ju lutem
të më ndihmoni në këtë shtegtim, për të mirën e shoqërisë, të të rinjve e, sidomos,
të të moshurave”.
Papa: “Të rinjtë, brezni pa punë” - titullohet shkrimi
i gazetës ‘La Stampa”, që mund ta lexoni të plotë në faqen tonë të internetit.
“Papa
në Brazil, turma bllokon automobilin”, është kryetitulli i “Il Messaggero”,
që i kushton shtegtimit të Papës faqet 11-13.
“Alarm i Papës: krijohet rreziku
i një breznie të papunësh”- titullon gazeta “Il Tempo”(fq. 14-17)
“Il
Giornale” vë në dukje edhe një herë figurën e Papës në shkallët e avionit. Titullon:
“Ky Papë shtegtar, që ngjitet në avion me valixhe në dorë”. Shkrimi botohet
në faqet 18-19.
“Papa: trokas në portën e zemrës suaj”- titullohet shkrimi
i gazetës “L’Avvenire”, që e pasqyron gjerësisht shtegtimin e Papës në Brazil,
në faqet 20-22- 23. 24. “Valixhja e Françeskut”,“Një ekonomi inkluzive
është e mundur”; “Trokas në zemra” e tituj të tjerë të kësaj natyre, i
shikojmë sot në të gjithë shtypin botëror. Kuptohet, vizita e Papës është gjerësisht
në qendër të vëmendjes në gazetat e Brazilit e të gjithë Amerikës Latine.