Дабрачынная арганізацыя фінансуе паздку беднай моладзі ў Рыа
Міжнародная дабрачынная
арганізацыя “Дапамога Касцёлу ў патрэбе” вырашыла фінансава дапамагчы моладзі з бедных
краін ў іх выдатках, звязаных з паездкай ў Бразілію на Сусветныя дні моладзі. Як
адзначаецца ў спецыяльным паведамленні арганізацыі, асаблівая дапамога будзе ўдзелена
моладзі з Ірака, Лівана, Іарданіі, Ізраіля, Палестыны і асабліва з Егіпта. Егіпецкая
дэлегацыя складаецца з каля ста маладых людзей ва ўзросце ад 18 да 32 гадоў. Іх будзе
суправаджаць законніца Жазэфіна ды Роча, якая нарадзілася ў Бразіліі, але на працягу
многіх гадоў жыве ў Каіры. Паводле яе,катэхезы на арабскай мове, якія прамовяць шматлікія
біскупы з гэтага рэгіёна свету,падчас Сусветных дзён, стануць добрай нагодай, каб
ім сустрэцца з маладымі людзьмі з іншых краін.
“Моладзь зразумее, што значыць
належаць да паўсюднага Касцёла”, - сказала законніца. Паводле яе маладыя людзі асабліва
адчуваюць сябе блізкімі да папы Францішка, таму што “прыбыў з краіны, так як і яны,
якая знаходзіцца на шляху да развіцця”. Моладзь з Егіпта з вялікай пашанай ставіцца
і да Папы на пенсіі Бэнэдыкта ХVI, які “так шмат зрабіў добрага для хрысціян Блізкага
Усходу”, - адзначыла законніца.