На Сусветныя дні молавдзі
прыбудзе таксама невялікая дэлегацыя Кітая. Апошні раз моладзь гэтай краіны была на
моладзевай сустрэчы з Папам Янам Паўлам ІІ у Маніле ў 1995 г. Аднак тады члены кітайскай
дэлегацыі не прынялі ўдзелу ў св. Імшы з-за прысутнасці на ёй шматлікай моладзі з
Тайваня, якія трымалі ў руках сцягі сваёй краіны. На гэты раз, у Рыа-дэ-Жанейра прыбудуць
прадстаўнікі з 10-ці дыяцэзій Кітая. Моладзь назвала сваю групу “Аб’яднанне”. Гэта
таму, што сярод іх ёсць прадстаўнікі як з катакомбнага Касцёла, так і з афіцыйнага,
прызнанага дзяржавай
Таксама ў Рыа-дэ-Жанейра прыбудзе дэлегацыя моладзі з
другой камуністычнай краіны, Кубы. Група будзе складацца з 55-ці чалавек: біскупа,
чатырох святароў, двух законніц і 48 маладых католікаў, якія прадстаўляюць 11 дыяцэзій
вострава. Усе выдаткі, звязаныя з гэтым падарожжам, узяў на сябе Касцёл. “Кубінская
дэлегацыя - малая ў параўнанні з іншымі краінамі, але нашы маладыя людзі вязуць вялікую
надзеяю”, - сказала законніца Сусана Марыя Марэна, адказная ад імя Канферэнцыі біскупаў
за падрыхтоўку кубінскай моладзі да Сусветных дзён моладзі.