Չինաստանէն Պատուիրակութիւն Մը Կը Մասնակցի Պրազիլի Երիտասարդութեան Համահաւաքին։

Չինացի կաթողիկէ խումբ մը երիտասարդներ պաշտօնապէս կը մասնակցին Ռիօ տէ Ժանէյրօյի երիտասարդութեան համաշխարհային օրուան (22 - 28 յուլիս)։ Այս առաջին անգամն է որ չինացի մէկ պատուիրակութիւն մը կը մասնակցի այդ համաշխարհային համահաւքին։
16 պատուիրակները, եկած Չինասանի 10 թեմերէն, ուրախ են ապրելու իրենց հաւատքը տիեզերական միջավայրի մը մէջ ու փոխանակելու իրենց փորձառութիւնները աշխարհի չորս ծագերէն եկած իրենց տարեկից քրիստոնեայ երիտասարդներուն հետ։