Viti jubilar kamilian: “Trashëgimia e Shën Kamilit, ajo e Samaritanit të Mirë”
Dje u hap zyrtarisht Viti jubilar kamilian, kushtuar 400-vjetorit të vdekjes së Shën
Kamilit de Lelis, pajtor universal i të sëmurëve dhe i njerëzve, që kujdesen për ta.
I parapriu triditshi i lutjes, në Shenjtëroren e Bukianikos, provinca e Kietit, vendlindje
e Shenjtit dhe shumë veprimtari të tjera. Sot, në Kishën e Shën Urbanit, gjithnjë
në Bukiniano, eprori i Etërve kamilianë kremtoi Meshën Shenjte, në vijim të veprimtarive
në të gjitha mjediset ku la gjurmë Shenjti. Kujtojmë se të dielën e kaluar, në lutjen
e Engjëllit të Tënzot, Papa Françesku e kujtoi figurën e Shën Kamilit, duke përshëndetur
me shumë dashuri bijtë e bijat shpirtërore të Shenjtit, që jetojnë karizmën e tij
të mëshirës, në lidhje të ngushtë e të përditshme me të sëmurët. ‘Të jeni si samaritani
i mirë’, i porositi Papa, e në vijim përshëndeti edhe mjekët, infermierët e të gjithë
ata, që punojnë në spitale e në shtëpitë e mjekimi, duke i uruar të frymëzohen nga
i njëjti shpirt.