Միացեալ Նահանգներ Զգուշացուցած Են Ռուսիան Սնոուտընին Օգնելէ
Վրեմիա» կը հաղորդէ, որ Միացեալ Նահանգներու արտաքին գործոց նախարարութեան բանբեր Ճենիֆըր
Փսաքի յայտնած է, որ «Սի.Այ.Էյ.»-ի նախկին աշխատակից Էտուըրտ Սնոուտընին ապաստան գտնելու
հարցին մէջ աջակցիլը պիտի ազդէ ռուս-ամերիկեան յարաբերութիւններուն վրայ: Ան նշած է,
որ Ռուսիոյ հետ այդ հարցով բանակցութիւնները տակաւին արդիւնաւէտ են:Փսաքի յայտնած է, որ ամերիկեան կողմը Ռուսիոյ հետ այդ հարցին շուրջ երկխօսութիւնը «արդիւնաւէտ» կը նկատէ եւ մատնանշած է Ռուսիոյ նախագահ Վլատիմիր Փութինի այդ հարցին վերաբերեալ յայտարարութիւնը:
Փութին 1 յուլիսին տրուած մամլոյ ասուլիսի մը ընթացքին յայտնած էր, որ «եթէ ան ուզէ այստեղ մնալ, ապա կայ մէկ պայման` ան պէտք է դադրեցնէ մեր ամերիկացի գործընկերներուն վնասող գործունէութիւնը»:
Փութին նաեւ ընդգծած էր, որ Ռուսիա չի պատրաստուիր Սնոուտընը յանձնելու: «Ռուսիա երբեք ոեւէ մէկը չէ յանձնած եւ չի պատրաստուիր յանձնելու», ըսած էր Փութին` պատասխանելով այն հարցումին, թէ ի՛նչ պայմաններով Ռուսիա պատրաստ է Սնոուտընը յանձնելու:
Փսաքի մէկ օր առաջ յայտարարած էր, որ Էտուըրտ Սնոուտընին ապաստան տրամադրող որեւէ երկրի հետ յարաբերութիւնները ինքնաբերաբար պիտի վատանան:
| All the contents on this site are copyrighted ©. |