Հալէպ Ուղարկուած է Մեծ Քանակով Ալիւր եւ Վառելանիւթ
Հալէպի նահանգապետ Մուհամմատ Վահիտ Աքքատ հաստատած է, որ նահանգ հասցուած է մեծ քանակով
ալիւր եւ վառելանիւթ: Ասիկա թոյլ պիտի տայ լուծելու բնակչութիւնը հացով ապահովելու խնդիրը:
Կ’ենթադրուի նաեւ, որ Յուլիս 11-ին Հալէպ պիտի հասնին զանազան պարէնամթերքով քարաւաններ:
Այս մասին, ըստ News.am-ի, կը հաղորդէ սուրիական ՍԱՆԱ տեղեկատուական գործակալութիւնը:
Նահանգապետը ընդգծած է, որ գրոհայիններու յանցաւոր գործունէութեան իբրեւ արդիւնք՝ Հալէպի
մէջ ստեղծուած է բարդ իրավիճակ: Գրոհայինները նահանգին մէջ ոչնչացուցած է ուտեստեղէնի
աւելի քան 1000 գործարան: Համաձայն վերջին պաշտօնական հաղորդագրութիւններուն՝ Հալէպի
ալ-Ռաշիտին, ալ-Հալտիյա, Պուսթան ալ-Քասր թաղամասերու, ինչպէս նաեւ Սալահ-էտտին հրապարակի
մօտակայքը՝ զինեալներու եւ կառավարական բանակի զինուորներուն միջեւ տեղի ունեցած են բախումներ: Մինչ
այդ երկրի վարչապետ Ուաէլ ալ-Հալիքի Դամասկոսի մէջ իրականացուցած է տնտեսական յանձնաժողովի
նիստ, ուր քննարկուած են հարցեր, որոնք կը վերաբերին ներքին շուկային մէջ լայն սպառման
ապրանքներու եւ պարենամթերքի գիներու բարձրանալը արգիլելուն: