Shqipëri: PD merr mandatin e katërt në Lezhë, 1 i hiqet PS-së
Në Shqipëri KQZ miratoi rezultatin e votimeve të qarkut te Lezhës. 39525 vota për
koalicionin e majtë 39564 për koalicionin e djathtë. Me 39 vota më shumë e djathta
merr një deputet tjetër dhe rezultati i mandateve për qarkun shkon në 4-3 për koalicionin
e kryesuar nga Partia Demokratike. Por si u arrit deri në marrjen e këtij vendimi?
Kqz administronte rezultatin për 248 nga 258 kutitë këtij qarku. Për 10 kutitë e KZAZ
nr 13, tabelat e rezultateve të dërguara nga kjo KZAZ rezultuan të manipuluara në
favor të Partise Socialiste. Ndaj KQZ iu referua tabelave elektronike të rezultateve
të administruara prej saj. Pasi u bë shumatorja rezulton se koalicioni i djathtë është
fitues i këtij qarku me një mandat më shumë se i majti. Përfaqësuesit e koalicionit
të majtë në KQZ, pranuan se pasi të marrin dokumentacionin përkatës, vendimin e KQZ
për miratimin e rezultatit do të procedojnë me ankimim.