Kek: Sekretariati zhvendoset nga Gjeneva, në Bruksel
Konferenca e kishave evropiane miratoi një Kushtetutë të re, në të cilën parashikohet
që Sekretariati i Kek të transferohet nga Gjeneva, në Bruksel. Njoftimi u dha përmes
një komunikate shtypi në Budapest, në përfundim të Asamblesë së 14-të të Kek, me temë:
“E tani, ç’prisni?”. Me 160 vota në favor, 7 kundra e 7 abstenime, Asambleja miratoi
Kushtetutën e re, në hyrjen e së cilës, nënvizon komunikata e shtypit, Kek impenjohet
të thellojë veprimtarinë në ndihmë të kishave evropiane, për ta jetuar së bashku
jetën shpirtërore, për të forcuar dëshminë e për të ecur përpara në rrugën e bashkimit
në Kishë dhe të paqes në botë. Transferimi i zyrave, të cilat që nga vitit 1959 janë
në Gjenevë, së bashku me Këshillin botëror të kishave, do të bëhet realitet në 2-3
vjetët e ardhshme. Një ndryshim tjetër ka të bëjë me Komitetin qëndror, që përbëhej
prej 40 vetësh e që tani do të ketë rolin e një administrate prej 20 vetësh, ndërsa
komisionet do të organizohen sipas një sistemi më të unifikuar. Komunikata, rimarrë
nga agjencia Sir, shpreh edhe habinë e disa pjesëmarrësve të organizatave rinore,
femërore dhe ekumenike, që nuk do të kenë më statusin e Kishave anëtare, por do të
jenë organizata në partnership.