Վենեզուելա Ապաստան Առաջարկած Է Սնոուտընի. Սնոուտըն Ապաստան Խնդրած Է Նիքարակուայէն
Նիքարակուական լրատուամիջոցներ հրապարակեցին «Սի.Այ.Էյ.»-ի, Միացեալ Նահանգներու Ազգային
անվտանգութեան գործակալութեան նախկին աշխատակից Էտուըրտ Սնոուտընի 30 յունիսին գրած նամակը,
որուն մէջ ան այդ երկրի իշխանութիւններէն կը խնդրէ իրեն ապաստան տրամադրել:Նշենք, որ Նիքարակուայի նախագահ Տանիել Օրթեկա յայտնած էր, որ իր երկիրը ապաստան պիտի տրամադրէ ամերիկացիին, «եթէ պայմանները թոյլ տան»:
Սնոուտըն իր նամակին մէջ կը նշէ, որ Միացեալ Նահանգներու կառավարութիւնը զինք կը հետապնդէ, որովհետեւ ինք հրապարակած է գայթակղութիւն յառաջացնող շարք մը տեղեկութիւններ: Սնոուտըն իր կացութիւնը համեմատած է գաղտնի նիւթերու հրապարակումով զբաղող «Ուիքիլիքս» կայքէջի հիմնադիր Ճուլիըն Ասանժի եւ շարքային զինուորական Պրետլի Մենինկի կացութիւններուն հետ: Վերջիններս եւս Միացեալ Նահանգներու իշխանութիւններուն կողմէ հետապնդումի կ՛ենթարկուին:
| All the contents on this site are copyrighted ©. |