«Զինեալ Միջադէպերուն Քաղաքական Հովանաւորութիւնը Մերժելի Է» Շեշտեց Ռայի Պատրիարքը
Մարոնի համայնքի Պշարա Ռայի պատրիարքը երէկ Տիմանի մէջ հանդիսապետեց կիրակի օրուան պատարագին,
որուն ընթացքին արտասանեց քարոզ մը` շեշտելով, որ Լիբանանի եւ Միջին Արեւելքի մէջ քրիստոնեաներուն
գոյութիւնը քաղաքական, տնտեսական եւ ընկերաբանական նպատակներու համար չէ, այլ համագործակցութեան
եւ վկայութեան համար, ինչպէս ճշդած էր Պենետիկտոս ԺԶ. նախկին պապը` «Առաքելական յորդոր»-ին
մէջ: Ռայի պատրիարքը հաստատեց, որ համագործակցութիւնն ու վկայութիւնը կարելի չէ ընդունիլ
գետնի վրայ գործադրուող քաղաքական գործունէութեամբ: Ռայի պատրիարքը ընդգծեց, որ զինեալ
միջադէպերուն առումով ցուցաբերուած քաղաքական հովանաւորութիւնը խիստ մերժելի է: