Пантыфік пракаментаваў
выданне сваёй першай энцыклікі. 7 ліпеня, пасля малітвы “Анёл Панскі”, ён нагадаў,
што працу над дакументам з нагоды “Года веры” пачаў яго папярэднік, Бэнэдыкт XVI,
у якасці сваіх далейшых разважанняў пра любоў і надзею (Папа на пенсіі выдаў тры энцыклікі:
“Deus Caritas Est” (Бог ёсць любоў), Spe Salvi (Збаўленыя надзеяй) і Caritas in Veritate
(Любоў і ісціне). “Я прыняў гэту цудоўную працу і прывёў да завяршэння”, - сказаў
папа Францішак. Пантыфік прапанаваў энцыкліку “Святло веры” усяму народу Божы, паколькі
кожны хрысціянін сёння павінен ісці да асноў сваёй веры, паглыбляць яе, і супастаўляць
з сучаснымі праблемамі. На думку Святога Айца, энцыкліка, “у некаторых частках, можа
быць карыснай для тых, хто шукае Бога і сэнсу жыцця”.
Энцыкліка “Lumen Fidei”
убачыла свет 5 ліпеня 2013 г. Дакумент, адрасаваны біскупам, святарам, дыяканам, законнікам
і ўсім свецкім вернікам, уключае ў сябе чатыры раздзелы і ўступ. Папа адзначае, што
пастаўленая пад пытанне ў сучасным свеце вера, патрэбна чалавеку як святло, якое дазваляе
адрозніваць дабро ад зла. Энцыкліка мае сваёй мэтай умацаваць адрасатаў у веры, што
асабліва актуальна ў перажываны цяпер у Касцёле “Год веры”, абвешчаны ў 50-годдзе
адкрыцця II Ватыканскага Сабору.