Lampeduza sonte në lutje, në prag të arritjes së Papës Françesku

Vlojnë përgatitjet e fundit, në pritje të Papës Françesku, në Lampeduzë, ishull i bukurisë së natyrës e i tragjedive pa fund, që luhen në det. Portë e Evropës dhe e shpresës, strehë për njerëz, që ikin nga luftërat e persekutimet, mbetet cak, të cilin shumëkush nuk e arrin. Sipas të dhënave, më se 20 mijë vetë janë varrosur në gjirin e ujërave, pa i shkelur këto brigje. Aktualisht, në ishull strehohen qindra emigrantë, që e presin me kureshtje e më shumë, me shpresë, arritjen e Papës, nesër, mes tyre.