Aktiv, bilanci i Selisë së Shenjtë: këshilli i kardinajve inkurajon reformat e falenderon
besimtarët për mbështetjen
Përfundoi dje në Vatikan, mbledhja dy-ditore e Këshillit të Kardinajve për Studimin
e Problemeve organizative dhe ekonomike të Selisë së Shenjtë, kryesuar nga sekretari
i Shtetit, kardinali Tarçizio Bertone. Dje, edhe Papa Françesku mori pjesë në mbledhje,
bisedoi me kardinajt, duke i inkurajuar të vazhdojnë punën. Bilanci i Selisë së
Shenjtë për vitin 2012 regjistron të ardhura për 2.185.622 euro. Ndër shpenzimet më
të mëdha, vihen në dukje pagesat e personelit, që në fund të vitit numëronte 2.823
vetë, kostot për mbarëvajtjen e mjeteve të komunikimit shoqëror dhe taksat e reja
mbi pronat e paluajtshme, të cilat janë rritur me 5.000.000 euro në krahasim me të
kaluarën.