Մամլոյ Ասուլիս Ներկայացնելու ֆրանչիսկոս Սրբազան Քահանայապետի ''Հաւատքի Լոյս'' Շրջաբերական Թուղթը

Սուրբ Աթոռի մամլոյ գրասենեակի հաղորդագրութեան համաձայն ուրբաթ 5 յուլիս 2013-ի առաւօտեան ժամը 11-ին, Սուրբ Աթոռի մամլոյ գրասենեակի ՅՊԲ անուան սրահին մէջ տեղի կ՛ունենայ Մամլոյ ասուլիս` ներկայացնելու համար ֆրանչիսկոս Սրբազան Քահանայապետի հրատարակած ''Հաւատքի Լոյս'' վերտառութեամբ առաջին շրջաբերական թուղթը։
Մամլոյ ասուլիսը կը ներկայացնեն Եպիսկոպոսներու Ժողովի կառավարիչ` կարտինալ Մարք Ուելլէն, Հաւատոյ Ժողովի կառավարիչը գերապայծառ Կէրարտ Լուտվիկ Միւլլէր եւ Նոր Աւետարանութեան տարածման քահանայապետական խորհուրդի նախագահը գերապայծառ Րինօ ֆիզիքելլան։
''Հաւատքի Լոյս'' շրջաբերական թուղթի աշխատասիրութիւնը, որ կը հրատարակուի 5 յուլիս 2013-ին, Հաւատոյ Տարուայ առթիւ, առաջարկուած էր Պենետիկտոս ԺԶ-ի օրով եւ կր կրէ ֆրանչիսկոս Սրբազան Քահանայապետի ստորագրութիւնը։