Ватыкан: больш за 6 тыс. моладзі прыбудуць на святкаванні “Дня семінарыстаў і навіцыяў”
“Я давяраю табе!”
так гучыць тэма “Дня семінарыстаў і навіцыяў”, які ў рамках Года веры, пройдзе ў Рыме
з 4 па 7 ліпеня. З праграмай святкаванняў пазнаёміў у Зале Друку Апостальскай Сталіцы
арцыбіскуп Рына Фізікела, старшыня Папскай рады па новай евангелізацыі. Іерарх паінфармаваў,
што з гэтай нагоды ў Рым прыбудзе больш за 6 тыс. семінарыстаў і навіцыяў з 66-ці
краін свету, між іншым, з Кітая, Японіі, В’етнама, Зімбабвэ. Яны двойчы сустрэнуцца
з папам Францішкам: у суботу 6 ліпеня у зале Паўла VI, калі Святы Айцец раскажа ім
аб сваім шляху да святарства, і ў нядзелю 7 ліпеня, падчас св. Імшы, якая завершыць
святкаванні.
У першы дзень мерапрыемства 4 ліпеня яго ўдзельнікі здзейсеяць
пілігрымку да магілы св. Пятра, дзе выслухаюць разважанні кардынала Анджэла Камастры,
арцыпрэзбітэра ватыканскай базылікі св. Пятра,- паінфармаваў арцыбіскуп Фізікела.
Ён расказаў, што на другі дзень яго ўдзельнікі наведаюць шматлікія месцы культу святых.
6 ліпеня пройдзе марыйная працэсія ў Ватыканскіх садах. Арцыбіскуп Фізікела адзначыў
таксама, што “Дзень семінарыстаўі навіцыяў” пройдлзе ў рамках падрыхтоўкі да Сусветных
Дні Моладзі, якія ў гэтым месяцы пройдуць у бразільскмі Рыа-дэ-Жанейра.