Папа да літоўскай моладзі: будзьце жывой часткай Касцёла
“Не бойцеся жыць верай”
і “адчувайце сябе жывой часткай Касцёла”, заклікаў папа Францішак удзельнікаў “VI
Дня Літоўскай моладзі”, які з 28 па 30 чэрвеня праходзіць у Каўнасе. У сваім спецыяльным
пасланні з гэтай нагоды Пантыфік падкрэсліў, што любоў Хрыста да нас і Яго сяброўства
з намі “не з’яўляюцца ілюзіяй”. Ён заклікаў літоўскую моладзь быць сведкамі Хрыста
разам са сваімі равеснікамі. Святы Айцец напісаў, што “Езус любіць маладых людзей
такімі, якімі яны ёсць, з іх слабасцямі і ўразлівасцю і жадае, каб кранутыя Яго любоўю,
яны ўдасканальваліся”. “Вы сустрэнеце сяброўства з Ім, і зазнаеце яго ва ўсёй плённасці
і прыгажосці, калі будзеце шукаць Яго са шчырасцю і з даверам”, - адзначыў Святы Айцец.
Папа нагадаў: каб жыць ўсё больш “інтэнсіўна ў хрысціянскай супольнасці”, трэба прыймаць
сакраманты, разважаць над Святым Пісаннем і пастаянна маліцца. Пантыфік заклікаў маладых
людзей, каб адчувалі сябе “жывой часткай Касцёла і спрыялі евангелізацыі, у аб’яднанні
з братамі па веры і ў еднасці” са сваімі пастырамі. “З прастатой і адвагай заўсёды
абвяшчайце Хрыста ў сваім штодзённым асяроддзі” і паказвайце “аблічча міласэрнага
і любячага Хрыста, які прабачае, заахвочвае і дае надзею”, усім сваім равеснікам.
“Заўсёды будзьце паважлівымі да іншых, - адзначыў Папа,- асабліва да бедных і слабых,
даючы сведчанне братэрскай любові, насуперак любой формы эгаізма і замкнёнасці”. Папа
прапанаваў моладзі маліцца Святым Ружанцам і звяртацца да Панны Марыі, каб вяла іх
“да ўсё больш шчыльнага аб’яднання з Езусам. “Няхай ваш нябесны апекун Святы Казімір
нястомна дапамагае вам у пошуку Хрыста”, - завершыў Папы.