Քահանայապետական Յանձախումբ Վատիկանի Դրամատան Համար։

Վատիկանի Պետական Քարտուղարութեան հրատարակած հաղորդագրութեան համաձայն ֆրանչիսկոս Սրբազան Քահանայապետը 24 յունիս 2013-ին ձեռագիր նամակով մը ստեղծած է 5 հոգիէ բաղկացած ''Քահանայապետական Յանձնախումբ մը Վատիկանի Դրամատան ''ԵՕՐ''-ի համար''։
Յանձնախումբի պարտականութիւնն է քննարկել եւ Սրբազան Քահանայապետին անմիջականօրէն տեղեկացնել ''Եօրի'' իրաւական կարգավիճակի մասին ինչպէս նաեւ անոր գործունէութեան, ներդաշնակութիւն ստեղծելու նպատակով ''Եօրի'' մատուցած ծառայութեան ու Սուրբ Աթոռի եւ Տիեզերական Եկեղեցւոյ առաքելութեան միջեւ։

Յանձնախումբի 5 անդամներն են ` Կարտինալ Ռաֆֆայելէ ֆարինա որ է նաեւ յանձնախումբի նախագահ, կարտինալ Ժան Լուի Թոռան, գերապայծառ Խուան Ինիացիո Արրիէդա Ոգոա Տէ Քինքէդրու, գերապայծառ Բիդէր Պրայան Ուելս (քարտուղար), եւ Փրօֆ Տիկ. Մարի Ան Կլէնտոն։
Յանձնախումբը իր աշխատանքները կը սկսի անմիջապէս։ Մինչ այդ ''Եօրի'' կարգավիճակը կը մնայ անփոփոխ` Յովհաննէս Պօղոս Բ-ի 1990-ին ձեռագիր նամակի համաձայն, մինչեւ Սրբազան Քահանայապետի նոր կարգադրութիւն։
ֆրանչիսկոս Սրբազան Քահանայապետի ձեռագիրը կազմուած է 9 կէտերէ որոնք կ՛ընդգծեն յանձնախումբի գործնական աշխատանքը։ Յանձնախումբի անդմաներուն շնորհուած է անսահման իրաւասութիւն։