2013-06-26 12:23:11

Քաթարի Իշխանը Իշխանութիւնը Յանձնեց Իր Որդիին


Քաթարի իշխան շէյխ Համատ պըն Խալիֆա Ալ Թանի իշխանութիւնը յանձնեց գահաժառանգ շէյխ Թամիմ պըն Համատ պըն Խալիֆա Ալ Թանիի:
Քաթարի պատկերասփիւռի կայանէն սփռուած ուղերձի մը ընթացքին ան յայտնեց, որ ժամանակը հասած է, որ նոր սերունդը ստանձնէ իշխանութեան ղեկը:
Ան ժողովուրդին ուղղուած իր խօսքին ընթացքին յայտնեց, որ «կը յայտարարեմ, որ իշխանութիւնը շէյխ Թամիմ պըն Համատ Ալ Թանիի կը յանձնեմ»:
«Կատարելապէս վստահ եմ, որ պատասխանատուութիւնը ստանձնելու եւ առաքելութիւնը կատարելու կարողութիւնը ունի ու վստահութեան արժանի է», ըսաւ ան` աւելցնելով, որ իր որոշումը «երիտասարդ ղեկավարութեան» մը դիմաց դուռ բանալու համար է:
Շէյխ Համատ ըսաւ, որ ինք երբեք իշխանութեան ինքնանպատակ ձեւով չէ ձգտած, այլ` «ի շահ ժողովուրդին»:







All the contents on this site are copyrighted ©.