Хрысціянства, гэта
не казуістыка запаведзяў, такое разуменне перашкаджае прымаць Бога і жыць з радасцю
і шчодрасцю, перакананы папа Францішак. Крывадушнікі, якія “вядуць Божы народ па тупіковым
шляху”, сталі тэмай гаміліі Пантыфіка падчас ранішняй Эўхарыстыі ў Доме св. Марты
19 чэрвеня. Святы Айцец спаслаўся на знакаміты ўрывак з Евангелля Мацвея, які паказвае
кантраст паміж паводзінамі кніжнікаў і фарысеяў. Папа Францішак звярнуў увагу на навязванне
імі вернікам “шматлікіх запаведзяў” і назваў іх “крывадушнікамі казуістыкі”, “інтэлектуаламі
без таленту”, якія “не маюць розуму, каб знайсці Бога, каб зразумець Бога з розумам”,
і такім чынам перашкаджаюць сабе і іншым увайсці ў Божае Валадарства. Паводле Францішка
– гэта “спецыялісты па этыцы”, якія не ведаюць што ёсць дабро”.
Папа Францішак
узгадаў таксама пра іншы клас крывадушнікаў, тых, хто ўмешваецца ў святасць. “Пан
кажа пра пост, малітву, міласціну: тры слупы хрысціянскай пабожнасці, прызначаныя
для ўнутранага навяртання, якія Касцёл прапануе нам падчас Вялікага посту. Таксама
на гэтай дарозе ёсць крывадушнікі, які прытрымліваюцца посту, раздаюць міласціну,
моляцца. Я думаю, што, калі крывадушнасць прыходзіць у гэту сферу адносін з Богам,
мы дастаткова блізкія, каб учыніць грэх супраць Святога Духа. Такія людзі не ведаюць
прыгажосці, яны не ведаюць любові, яны не ведаюць праўды: яны мізэрныя, баязлівыя”,
- адзначыў Папа.
Францішак заклікаў не забывацца пра прысутнасць крывадушнасці
ў Касцёле, про тое зло, якое яна прыносіць для ўсіх. Ён запрасіў да шчырай малітвы
з усведамленнем того, што мы грэшнікі, але “з канкрэтнымі грахамі, а не тэарэтычнымі”.
І гэты малітва, перакананы Пантыфік, дапаможа кожнаму не сысці на “прасёлачныя дарогі”
крывадушнасці і спакус.