17 чэрвеня Святы Айцец
прыняў на аўдыенцыі ў Апостальскім палацы Прэзідэнта Баліварыянскай Рэспублікі Венесуэла
Нікаласа Мадуру. Пасля сустрэчы з Пантыфікам палітык правёў размову з кардыналам Дзяржсакратаром
Тарчызіо Бэртонэ. У ходзе перамоў, якія праходзілі ў атмасферы сардэчнасці, была абмеркавана
сацыяльная і палітычная сітуацыя ў краіне пасля нядаўняй смерці Прэзідэнта Уга Чавэса.
Гаворка ішла таксама пра пытанні беднасці і барацьбы са злачыннасцю і незаконным абаротам
наркотыкаў.
Падчас размоў была зроблена спасылка на гістарычную прысутнасць
Каталіцкага Касцёла ў Венесуэле і яго вырашальны ўклад у дабрачыннасць, ахову здароўя
і адукацыю. Было асягнута паразуменне аб неабходнасці пастаяннага і шчырага дыялогу
паміж Канферэнцыяй Каталіцкіх Біскупаў краіны і дзяржаўнымі ўладамі для развіцця ўсёй
нацыі.
Закраналіся некаторыя пытанні міжнароднага характару. Размова ішла
пра сітуацыю ў рэгіёне з асаблівым акцэнтам на мірны працэс у Калумбіі.