Papa Françesku hap Kuvendin dioqezan të Romës. Kard. Valini: feja e fortë i qëndron
krizës
“Mua nuk më vjen turp prej Ungjillit”. Pohimi i Shën Palit Apostull është tema e katekizmit,
me të cilin Papa Françesku hap, sot në orën 19.30, në Sallën Pali VI në Vatikan, Kuvendin
e tij të parë dioqezan të Romës. Pohimi i qartë i bën jehonë stilit komunikativ, me
të cilin na ka mësuar Ati i Shenjtë, gjatë tre muajve të papnisë. Kardinalini Vikar
i Romës, Agostino Valini thotë: "Tema u zgjodh, sepse Ati i Shenjtë kërkoi
të mbajë katekizmin mbi një tekst paolin e pikërisht mbi pjesën e Letrës drejtuar
Romakëve, ku Shën Pali shpreh shqetësimin e tij baritor me shprehjen: “Mua nuk më
vjen turp prej Ungjillit”. Natyrisht, më duket se i përshtatet më së miri magjisterit
të Papës Françesku e presim që Ati i Shenjtë të na ndihmojë të kemi më tepër guxim
për ta jetuar së pari e pastaj për ta dëshmuar Ungjillin".