Իսրայէլացի պաշտօնատար մը իսրայէլեան «Հաարեց» օրաթերթին յայտնեց, որ ՄԱԿ-ի ընդհանուր
քարտուղար Պան Քի Մուն շուէտական կառավարութեան մօտ աշխատանք կը տանի, որպէսզի սկանտինաւեան
երկիրներէն կազմուած եւ ընդարձակ լիազօրութիւն ունեցող ուժ մը փոխարինէ Կոլանի մէջ ՄԱԿ-ի
խաղաղապահ ուժերէն հեռացող աւստրիացի 380 զինուորները: Օրաթերթը կը հաղորդէ, որ Շուէտ
կ՛ուզէ, որ Կոլանի մէջ գործող ՄԱԿ-ի խաղաղապահ ուժերը ամրապնդուին եւ մարտական կարողութիւն
ունենան, որպէսզի խաղաղապահ զինուորները կարենան յարձակումի ենթարկուելու պարագային իրենք
զիրենք պաշտպանել: