Кардынал Рабер Сара
прымае ўдзел у пасяджэнні рэгіянальнай канферэнцыі лацінаамерыканскай “Caritas”. Яна
будзе праходзіць да 16 чэрвеня ў венесуэльскім Каракасе і прысвечана адкрыццю прасторы
для дыялогу і разважанняў над адным з найбольш важных для Лацінскай Амерыкі пытанняў
– беднасці. Старшыня Папскай рады “Cor Unum” падчас інаўгурацыйнай св. Імшы падкрэсліў,
што разважанні пра прычыны беднасці з’яўляюцца імкненнем паставіць у цэнтр духоўнасці
і місіі “Caritas” чалавечую асобу.
Удзельнікі канферэнцыі сышліся ў меркаванні,
што ўсе католікі і людзі добрай волі павінны аб’яднацца ў барацьбе з голадам ў свеце.
Яны прыгадалі словы папы Францішка, які 16 мая падчас сустрэчы з членамі “Caritas
Internationalis” адзначыў, што ўвесь свет жыве зараз у крызісе, не толькі эканамічным
ці культурным, але і ў крызісе нестабільнасці, калі чалавечая асоба знаходзіцца ў
сапраўднай небяспецы. На думку Святога Айца, гэта павінен разумець кожны супрацоўнік
каталіцкай дабрачыннай арганізацыі.