Հայաստանը Տարածաշրջանին Մէջ Ամենախաղաղասէրն է. Global Peace Index
Global Peace Index-ին մէջ Հայաստանը 162 երկիրներու մէջ յայտնուած է 98-րդ տեղը: Այս
մասին, ըստ Aysor.am-ի, կը տեղեկացնէ Global Peace Index-ի պաշտօնական կայքը: Ցուցակը
կազմելու ընթացքին հաշուի կ’առնուին շարք մը գործօններ, ինչպէս` բռնութեան մակարդակը,
քաղաքական կայունութիւնն ու ռազմական ծախսերը, կաշառակերութիւնը, մամուլի ազատութիւնը,
մարդու իրաւունքներու պաշտպանութիւնը, արտաքին յարաբերութիւնները: Հայաստանի հարեւան
երկիրներէն Ատրպէյճանը 126-րդն է, Թուրքիան` 134-րդը, Իրանը` 137-րդը: Հարաւային Կովկասի
ամենաքիչ խաղաղասէր երկիրը այս տարի նոյնպէս Վրաստանն է. ան յայտնուած է 139-րդ հորիզոնականին: Այս
տարի 162 երկիրներու շարքին ամենախաղաղասէր երկիր ճանչցուած է Իսլանտան, ապա Դանիան,
Նոր Զելանտան, Աւստրիան, Զուիցերիան: Յիշեցնենք, որ GPI-2012-ի մէջ Հայաստանը յայտնուած
էր 115-րդ, Իրանը` 128-րդ, Թուրքիան` 130-րդ, Ատրպէյճանթ` 132-րդ, Վրաստանը` 141-րդ հորիզոնականներուն: