ՍուրիոյՆախագահը Մերժած է Համաշխարհային Դրամատան 21 Միլիառ Տոլարը
Լիբանանեան «Ախպար» օրաթերթը հաղորդեց, որ Սուրիոյ նախագահ Պաշշար Ասատ յայտնած է, թէ
Սուրիա երկու տարիէ ի վեր իր դիմագրաւած նեղ կացութիւնը շրջանցած է, եւ «արեւմուտքին
ու անոր հետեւորդներուն խաղացած վատ խաղը իր վերջաւորութեան հասած է: Արդարեւ, արեւմտեան
երկիրները, հակառակ իրենց ցոյց տուածին, ներկայիս գաղտնաբար մրցակցութեան մէջ են Սուրիոյ
ներկայացնելու շահեկան առաջարկներ, որոնց միջոցով կը ջանան պահել վերակառուցման աշխատանքներուն,
սուրիական ծովափին մօտ յայտնաբերուած մեծաքանակ քարիւղի եւ կազի պաշարներու արտաբերման
մէջ իրենց ընկերութիւններուն բաժինները»:Ասատ նշած է, որ «մինչեւ իսկ Միջազգային դրամատունը, որ առանց Միացեալ Նահանգներու կամքին ու թոյլտուութեան չի շարժիր, Սուրիոյ ներկայացուց առատաձեռն առաջարկ մը` 21 միլիառ տոլար արժողութեամբ, դիւրացուած պայմաններով, փափաք յայտնելով վերակառուցման ծրագիրները ֆինանսաւորել, եւ այդ բոլորը` Սուրիոյ մէջ սեփականաշնորհման հռչակաւոր ջատագով Ապտալլա Տարտարիի ճամբով», սակայն Ասատ այդ առաջարկը մերժած է եւ վերակառուցման վերաբերեալ իր վերջնական որոշումները տուած:
| All the contents on this site are copyrighted ©. |