''Աւետարանի Քարոզչութիւնը Աղքատութեան Ճանապարհով Պէտք է Ընթանայ...Ձրի Ընդունեցաք,
Ձրի Տուէք'' Կը Հաստատէ ֆրանչիսկոս Պապը։
Երեքշաբթի 11 յունիսի առաւօտեան ժամը 7-ին Տոմուս Սանդա Մարդայի մատրան մէջ մատուցած
Սուրբ Պատարագի ընթացքին արտասանած իր քարոզին մէջ, ֆրանչիսկոս Սրբազան Քահանայապետը
ընդգծեց թէ Աւետարանի Քարոզչութիւնը կը բխի վեհանձնութենէն։ Սկզբանէ այսպէս եղած է` -
յարեց Նորին Սրբութիւնը - Սուրբ Պետրոս դրամատան մէջ հաշիւ չ՛ուներ եւ երբ ստիպուած եղաւ
տուրքերը վճարելու Տէրը անոր հրամայեց ձուկ որսալ ու անոր փորին մէջ գտնուղ դրամով տուրքը
վճարել։
Աւետարանի քարոզչութիւնը աղքատութեան ճանապարհով պէտք է ընթանայ։Աղքատութիւնը
վկայելով։Որովհետեւ հարստութիւնը կը կայանայ միայն այն պարգեւին մէջ զոր Աստուած շնորհած
է մեզի։Երբ տեսնենք առաքեալներ որոնք կ՛ուզեն հարուստ եկեղեցի մը կառուցել առանց վեհանձնութեան
ու նուիրումի հոգիին, Եկեղեցին կը ծերանայ եւ կը դառնայ առանց կեանքի ''ոչ կառավարական
կազմակերպութիւն'' մը։