Ватыкан нагадае пра сакральную каштоўнасць чалавечага жыцця
15-16 чэрвеня ў Ватыкане
будуць прысвечаны асабліваму разважанню пра каштоўнасць і сакральнасць чалавечага
жыцця. У рамках Года веры, тут пройдзе Дзень “Evangelium vitae” (Евангелля жыцця)
– свята арганізаванае Папскай радай па новай евангелізацыі, з мэтай супольнага сведчання
аб важнасці павагі да жыцця чалавека на ўсіх яго стадыях. Сваёй назвай мерапрыемства
абавязана энцыкліке бл. Яна Паўла ІІ напісанай у 1995 г. і прысвечанай гэтай тэме.
Паводле аднаго з арганізатараў форума, старшыні Папскай рады па новай евангелізацыі,
арцыбіскупа Рына Фізікелы, Дзень “Evangelium vitae” стане добрай нагодай, каб разам
са Святым Айцом паяднацца ў супольным сведчынні ад сакральнай каштоўнасці жыцця: жыцця
старых, хворых, паміраючых, яшчэ не народжаных, тых, хто перажывае фізічныя і ментальнымі
мукі і пакутуе.
“Мы спадзяёмся што колькасць вернікаў, сабраных на плошчы св.
Пятра, будзе настолькі вялікай, што ва ўсім свеце будзе пачута наша адзінгалоснае
сведчанне пра сапраўднае сэрца адкупленчай місіі Езуса: “Я прыйшоў, каб вы мелі жыццё
і мелі ў дастатку”, - сказаў іерарх.
У рамках святкання Дня “Evangelium vitae”
адбудзецца працэсія ад Замка святога Анёла да ватыканскай базыліцы, якая закончыцца
вызнаннем веры на розных мовах; у розных частках Рыма пройдуць катэхезы на тэму сакральнасці
чалавечага жыцця; кульмінацыяй падзеі стане Эўхарыстыя з Пантыфікам на плошчы св.
Пятра, у нядзелю 16 чэрвеня.