Ambasadori i Shqipërisë në Romë dorëzoi Letrat Kredenciale Presidentit të Italisë
Ambasadori i Republikës së Shqipërisë pranë Republikës së Itali, në Romë, Neritan
Ceka ka dorëzuar dje Letrat Kredenciale tek Presidenti i Republikës Italiane, Giorgio
Napolitano. Siç bën të ditur zyra për shtyp e Ministrisë së Punëve të Jashtme të
Shqipërisë, në takimin e rastit mes Presidentit Napolitano e Ambasadorit Ceka, u diskutua
mbi marrëdhëniet e shkëlqyera shumëdimensionale mes dy Vendeve, si dhe u shpreh vullneti
për zhvillimin e mëtejshëm të tyre në të ardhmen. Gjithashtu bashkëbiseduesit u
ndalën veçanërisht në progresin e Shqipërisë në rrugën e integrimit evropian. Presidenti
italian Napolitano ritheksoi mbështetjen e palëkundur të palës italiane në këtë proces. Ambasadori
Ceka përsëriti ftesën e Presidentit të Shqipërisë, Nishani për vizitë zyrtare në Shqipëri
të Presidentit të Italisë, Napolitano, ftesë e cila u pranua me kënaqësi nga kreu
i Quirinales.