Երկուշաբթի 3 յունիսի առաւօտեան ժամը 11-ին ֆրանչիսկսոս Սրբազան Քահանայապետը իր գրասենեակի
մէջ ընդունեց ''Գաբօ-Վերտէ''ի հանրապետութեան նախագահ` Տիար Եորկէ Գարլոս ֆոնսէքա որ
ապա հանդիպումներ ունեցաւ Վատիկանի Պետական Քարտուղար Կարտինալ Թարչիզիօ Պերթոնէի եւ
արտգործ նախարար գերապայծառ Տոմինիք Մամպերթիի հետ։ Յայտնենք որ ''Գաբօ-Վերտէ''ի հանրապետութեան
բնակչութեան մեծամասնութիւնը քրիստոնեաներ են։ Ժամը 11,30-ին Սրբազան Քահանայապետը
առանձնական հանդիպում ունեցաւ Տանն Կիլիկիոյ Կաթողիկէ Հայոց Ներսէս Պետրոս ԺԹ կաթողիկոս
Պատրիարքին հետ ու ապա ընդունեց Հոգեւոր Տիրոջ ընկերացող` 16 հոգիներէ բաղկացած պատուիրակութիւնը։
Ժամը 12-ին ֆրանչիսկոս Պապը ընդունեց Կարտինալ Մանուէլ Մոնդէյրօ Տէ Գասդրոն հուսկ
յետ միջօրէի ժամը 18,15-անց Սուրբ Պետրոաի տաճառին մէջ հանդիպեցաւ Պերկամօյէն Հռոմ ժամանած
ուխտաւորներու խումբին, Յովհաննէս ԻԳ երջանկայիշատակ Քահանայապետի մահուան 50րդ տարեդարձի
առթիւ մատուցուած ս. Պատարագի աւարտին։