Франішак звярнуўся да чалавечнасці выкрадаўцаў людзей у Сірыі
2 чэрвеня, пасля малітвы
“Анёл Панскі”, Папа звярнуўся да вернікаў з заклікам малітоўна падтрымаць сірыйскі
народ, які ўжо больш за два гады пакутуе ад войнаў і насілля. “Гэта турбуючая сітуацыя
вайны, нясе з сабой трагічныя наступствы: смерць, разбурэнні, выдаткі для эканомікі
і навакольнага асяроддзя, а таксама раны, звязаныя з выкраданнем людзей. Выказваю
маё расчараванне, у сувязі з гэтымі фактамі і хачу запэўніць у малітве і салідарнасці
выкрадзеных людзей і іх блізкіх. Звяртаюся з заклікам да чалавечнасці выкрадаўцаў,
каб вызвалілі ахвяраў. Будзем заўсёды маліцца за нашу ўмілаваную Сірыю”, - сказаў
Папа. Францішак адзначыў, што ў свеце існуе шмат канфліктных сітуацый, але таксама
і шмат знакаў надзеі. Ён заахвоціў да наступных крокаў у накірунку прымірэння і супакою
ў краінах Лацінскай Амерыкі.
Святы Айцец таксама падзяліўся, што раніцай цэлебраваў
св. Імшу разам з некаторымі вайскоўцамі і сваякамі вайскоўцаў, загінуўшых пры выкананні
міратворчых аперацый. Ён заклікаў прысутных на плошчы св. Пятра, у цішыні сэрца памаліцца
за ўсіх хто загінуў, быў паранены, а таксама іх блізкіх.