Սեփական արբանեակի արձակման եւ զայն Հայաստանին յատկացուած ուղեծիրին մէջ տեղակայելու
նպատակով 2012ին Հայաստանի փոխադրութեան եւ կապի նախարարութեան համակարգին մէջ ստեղծուած
է «Արմկոսմոս» փակ բաժնետիրական ընկերութիւնը: Հայաստանի փոխադրութեան եւ կապի նախարարութեան
աշխատակազմի ղեկավար Գ. Գրիգորեանը «Նիուզ»ին հետ ունեցած զրոյցին ընթացքին յայտնած է.
«Ներկայիս նախարարութիւնը գէոստացիոնար ուղեծրային դիրքի իրաւունքի գրանցման նպատակով
համապատասխան միջազգային յայտ է ներկայացրել Հեռահաղորդակցութեան միջազգային միութեանը
(ՀՄՄ)»: ՀՄՄի կողմէ ուղեծիրի դիրքի իրաւունքի արձանագրութեան եւ հետազօտական աշխատանքներու
աւարտէն ետք բանակցութիւններ պիտի կատարուին՝ արբանեակի նախագծման եւ կառուցման, ֆինանսաւորման
աղբիւրներու եւ արբանեակի արձակման ժամկէտներուն շուրջ: