Дырэктар Ватыканскага банка: наш галоўны клопат – рэпутацыя
Эрнст фон Фрэйберг,
дырэктар Інстытута рэлігійных спраў, больш вядомага як Ватыканскі банк, адзначыў,
што на сённяшні дзень, найбольшым клопатам супрацоўнікаў гэтай установы з’яўляецца
аднаўленне яе добрай рэпутацыі. У інтэрв’ю Ватыканскаму радыё ён падзяліўся: “Мая
мара вельмі ясная: наша рэпутацыя павінны стаць такой, каб людзі больш не думалі пра
нас. Каб, калі думаюць пра Ватыкан, не ўзгадвалі больш пра Інстытут рэлігійных спраў,
але слухалі словы Папы”, - адзначыў фон Фрэйберг. Эканаміст расказаў, што для дасягення
гэтай мэты, прымаюцца самыя рашучыя меры: Апостальская Сталіца актыўна набліжаецца
да міжнародных стандартаў у галіне фінансавай празрыстасці, а таксама праводзіць палітыку
“нулевой талерантнасці” да людзей замешаных у дзейнасці звязанай з адмываннем грошай.
Ён
расказаў таксама, што ў Інстытуце працуе 112 чалавек, пераважна законніцы. Тут захоўваюць
грошы каля 19 тыс. кліентаў, сярод якіх, 5 200 каталіцкіх інстытутаў і 13 700 прыватных
укладчыкаў, да якіх адносяцца ватыканскія служачыя, некаторыя катэгорыі святароў і
законнікаў, а таксама дыпламаты акрэдытаваныя пра Апостальскай Сталіцы. Эрнст фон
Фрэйберг адзначыў, што “Ватыканскі банк” з’яўляецца вельмі маленькім і ў свеце існуе
немнога, яшчэ меншых банкаў.
Эканаміст падкрэсліў, што Інстытут рэлігійных
спраў не з’яўляецца банкам у прамым сэнсе гэтага слова. “Мы не пазычаем грошы, не
робім прамых інвестыцый (...) не спекуліруем валютай ці таварамі. Наш прынцып: атрымаць
грошы і інвеставаць у дзяржаўныя каштоўныя паперы, у некаторыя аблігацыі ці міжбанкаўскі
рынак. Тут мы атрымліваем невялікія працэнты, немнога большыя за тое, што ўкладаем,
каб мець магчымасць вярнуць грошы нашым кліентам у любы момант”, - расказаў ён.
Гаворачы
пра свой працоўны дзень, эканаміст адзначыў, што кожнай раніцы мае магчымасць прымаць
удзел у Эўхарыстыі з папам Францішкам у капліцы Дома св. Марты, бо таксама пражывае
тут. “Гэта ўжо вялікі прывілей: быць тут ў 7.00 раніцы і слухаць яго гаміліі, кароткія
і заўсёды вельмі моцныя”, - сказаў ён. Эрнст фон Фрэйберг падзяліўся, што яго штодзённая
дзейнасць заключаецца ў трох абавязках: кіраванні праектамі, звычайнай адміністрацыі
і камунікацыі.
Ён таксама падкрэсліў, што працуе ў блізкім супрацоўніцтве з
пяццю кардыналамі, якія апякуюцца Інстытутам рэлігійных спраў. Сустрэчы паміж імі
адбываюцца раз у два-тры месяцы, а са старшынёй кардынальскай камісіі – кожны месяц.