Джон Кэнэдзі, будучы студэнтам, сустракаўся з Піем ХІІ
Джон Кэнэдзі, будучы
20-гадовым студэнтам падчас падарожжа ў Рыме сустракаўся з тагачасным кардыналам Дзяржсакратаром
Эудженіа Пачэлі, будучым папам Піем XII. Гэта стала вядома з запісаў самаго будучага
Прэзідэнта ЗША, якія ён вёў падчас свайго еўрапейскага ваяжу. 7 жніўня 1937 г. малады
амерыканец напісаў у сваім дзённіку аб кардынале Пачэлі, якога сустрэў у Кастэль Гандольфа,
“ён сапраўды вялікі чалавек, нават калі яго англійская мова пакідае жадаць лепшага”.
Кэнэдзі
з 1961 г. па 1963 г. быў першым і адзіным да сённяшняга дня каталіцкім Прэзідэнтам
Злучаных Штатаў. Бацькі Пачэлі і Кэнэдзі былі сябрамі, аб чым можна зрабіць выснову
з апублікаваных запісаў. Прабываючы ў Рыме, Кэнэдзі напісаў: “Быў у летняй рэзідэнцыі
Пантыфікаў. Тут была асабістая аўдыенцыя ў кардыналам Пачэлі, які спытаўся аб маме
і таце”.
Кэнэдзі здзяйсняў паездку па Еўропе, якая ў канчатковым выніку прывяла
яго ў нацысцкую Германію, на якую ён глядзеў з некаторым захапленнем, аб чым можна
даведацца з яго кнігі “Сярод немцаў – Дзённікі з падарожжаў і лісты 1937-1945”. Трэба
адзначыць, што кардынал Пачэлі быў з 1917 г. па 1929 г. Апостальскім нунцыем у Германскай
імперыі.