3-8 чэрвеня ў Марсэлі
кардынал Джанфранка Равазі паўдзельнічае ў дыскусіі, падставай для якой стане творчасць
двух французскіх мысляроў, Альберта Камю і Поля Рыкёра. У гэтым французскім горадзе,
які сёлета быў абвечшаны “Сталіцай еўрапейскай культуры”, пройдзе чарговы этап ініцыятывы
Папскай рады па культуры “Падворак язычнікаў”. Яго тэма – “Гуманізм і рэлігія”. У
рамках форуму прадугледжаны таксама дыскусіі на тэму свабоды у свеце, дыялогу паміж
Цэрквамі Усходу і Захаду, справядлівасці і міру на Блізкім Усходзе. Свой удзел ужо
пацвердзілі Грэцка -Мельхіцкі Патрыярх Антыёхіі і ўсяго Усходу Грыгорый ІІІ Лахам
і Юлія Крысцева, вядомая французская даследчыца літаратуры і мовы, псіхааналітык,
пісьменніца і філосаф.
Трэба адзначыць, што ініцыятыва “Падворак язычнікаў”
стартавала 24 мая 2011 г. менавіта ў Францыі, першая сустрэча ў яе рамках прайшла
ў Парыжы. Галоўная мэта ініцыятывы – уцягнуць вернікаў і няверуючых у дыялог. Назва
праекта ўзята з прамовы Бэнэдыкта XVI, які ў 2009 г. заявіў, што Каталіцкаму Касцёлу
патрэбна нешта накшталт Падворку язычнікаў, які існаваў пры Іерусалімскім Храме і
быў самым першым узроўнем набліжэння да Бога – для тых, якія цікавяцца.