Konflikti sirian kërcënon Libanin. Dy raketa godasin Bejrutin
Lufta në Siri ka mundësi të përhapet edhe në Liban. Më tepër se rrezik, kjo është
tashmë realitet, pasi natën e kaluar, dy raketa goditën lagjen shiite të kryeqytetit
Bejrut, kështjellë e Hezbollahëve. U plagosën 4 vetë, ndërsa në Tarabulluz, pati ndeshje
të reja ndërmjet përkrahësve dhe kundërshtarëve të presidentit të Sirisë, Bashar al-Asad.
Gjithsej, numri i viktimave të javës së kaluar, ka arritur në 31 vetë. Ndërkaq, nga
Bagdadi, ku ndodhej për një vizitë të papritur, ministri i jashtëm sirian deklaroi
se Siria do të marrë pjesë në konferencën e paqes në Gjenevë, organizuar nga Moska
dhe Uashingtoni.