Незвычайная акцыя
прайшла ў польскім Вроцлаве ў рамках ініцыятывы “Уся Польшча танчыць для бл. Яна Паўла
II”. У ёй паўдзельнічала некалькі дзесяткаў “хрысціянскіх танцораў”, якія выконвалі
“па” пад музыку гімну вядомай штогадовай міжнароднай сустрэчы моладзі каля Ледніцы.
Жыхары горада з цікавасцю назіралі за тым, што адбываецца на цэнтральнай плошчы, а
некаторыя далучыліся да акцыі, якую арганізатары назвалі “фіш-мобам”, ад хрысціянскага
сімвалу рыбы. Назва звязана таксама з папулярнымі ў апошнія гады ва ўсім свеце флэш-мобамі,
або “штучным натоўпам”, які збіраецца ў публічных месцах, каб прыняць удзел у мерапрыемстве
як правіла нечаканым для мінакоў.
“Удзельнікі акцыі паказалі ўсім радасць хрысціянства”,
- сказаў парталу “wiara.pl” Анджэй Кус, адзін з арганізатараў вроцлаўскага этапу кампаніі
“Уся Польшча танчыць для бл. Яна Паўла II”. “Акцыя прайшла ва ўсёй Польшчы ў другі
раз, але ў нашым горадзе адбыўся “прэм’ерны паказ”. Мы хацелі такім чынам адзначыць
гадавіну з дня нараджэння Яна Паўла II і запрасіць на моладзевую сустрэчу ў Ледніцы,
якая адбудзецца 1 чэрвеня”, - дадаў ён. “Мы хочам паказаць праз свой удзел у гэтым
мерапрыемстве, што мы хрысціяне, і што мы радасныя. Мы можам выдатна правесці час
у Духу Божым”, - сказаў Даніэль з універсітэцкага душпастырства.
Свой удзел
у акцыі “Уся Польшча танчыць для бл. Яна Паўла II” ужо абвясцілі дзесяткі польскіх
гарадоў.