У Францыі за апошнія
5 гадоў падвоілася колькасць антыхрысціянскіх акцый. Часопіс Нацыянальнай асамблеі
апублікаваў статыстыку па гадах у перыяд з 2008 па 2012 гады. У 2002 г. Міністэрства
ўнутраных спраў Францыі ў супрацоўніцтве з яўрэйскай супольнасцю пагадзілася прызнаць
супрацьзаконнасць антысеміцкіх актаў. Аналагічнае пагадненне было падпісана з французскай
мусульманскай супольнасцю ў канцы 2010 г. Факты забойстваў і насілля на рэлігійнай
глебе, прычыненне шкоды культавым збудаванням і ўласнасці, на прыклад могілкам, у
адпаведнасці з дадзенымі дамовамі, з’яўляюцца крымінальнымі злачынствамі.
Паводле
афіцыйнай статыстыкі, у 2008 г. у Францыі было зафіксавана 275 актаў хрысціянафобіі,
у 2009 г. – ужо 390, у 2010 г. – 522, у 2011 г. – 527, а ў 2012 г. – 543. Гэта статыстыка
ўключае толькі выпадкі вандалізму ў храмах і на могілках і не змяшчае дадзеных аб
абразе святароў, антыхрысціянскіх заявах ў СМІ і іншае. Для параўнання: у 2008 г.
у Францыі было зарэгістравана 15 актаў вандалізму ў дачыненні да яўрэйскіх могілак
і 14 – да мусульманскіх культавых збудаванняў і пахаванняў. У 2012 г. пацярпела 40
яўрэйскіх месцаў культу і пахавання і 84 мусульманскіх.