Францішак: гандль людзьмі – сорам для нашых грамадстваў
Гандль людзьмі – гэта
сорам для нашых грамадстваў, якія называюць сябе цывілізаванымі, адзначыў папа Францішак
падчас сустрэчы з членамі ХХ Пленарнай асамблеі Папскай рады пастырства мігрантаў
і падарожнікаў. Святы Айцец прыняў іх на аўдыенцыі ў Апостальскім палацы 24 мая. У
сваім звароце ён закрануў шэраг важных праблем, звязаных з вымушанай міграцыяй і эксплуатацыяй
людзей, пазбаўленых магчымасці вярнуцца на Радзіму. Гаворачы пра феномен “гандлю людзьмі”,
Святы Айцец адзначыў, што “эксплуататары і кліенты ўсіх узроўняў павінны зрабіць
сур’ёзны рахунак сумлення перад самімі сабой і Богам”. Папа нагадаў, што “у свеце
шмат гаворыцца пра правы, але вельмі часта прыніжаецца чалавечая годнасць”. Пантыфік
высока ацаніў намаганні Папскай рады пастырства мігрантаў і падарожнікаў па дапамозе
беднымі і маргіналізаваным. Паводле яго, насілле, злоўжыванні, аддаленасць ад сем’яў,
няўпэўненасць, якія суправаджаюць лёс бежанцаў – гэта элементы, “якія дэгуманізуюць,
таму павінны натхняць кожнага хрысціяніна і ўсю супольнасць да канкрэтных дзеянняў”,
перш за ўсё, да вяртання людзям надзеі на будучыню.
Пантыфік звярнуўся да кіраўнікоў
дзяржаў, заканадаўцаў і ўсёй міжнароднай супольнасці з заклікам прыняць эфектыўныя
меры для таго, каб палепшыць якасць жыцця вымушаных мігрантаў. “Гаворка ідзе пра людзей,
якія просяць аб салідарнасці і дапамозе, якія маюць патрэбу ў тэрміновым умяшальніцтве,
але перш за ўсё, у разуменні і дабрыні. Іх стан не можа пакінуць абыякавымі. І мы,
як Касцёл, нагадваем, што калі клапоцімся пра раны бежанцаў, бездомных і ахвяр гандлю
людзьмі, рэалізуем запаведзь любові, якую Езус нам пакінуў, калі параўнаў сябе з чужынцам,
пакутуючым, з усімі нявіннымі ахвярамі насілля і эксплуатацыі”, - сказаў Папа.
Францішак
заклікаў вернікаў памятаць, што хрысціянскія супольнасці павінны быць па-сапраўднаму
месцамі гасціннасці, слухання і адзінства.